Category: происшествия

Category was added automatically. Read all entries about "происшествия".

СТИХОТВОРЕНИЕ

                                                         
КЪОНАХ

Хетаю БатIал-Хьажий виIий-воIа Султан-Хьажийна
(Дала къахетам болба цох, Дала гешт долда цунна, вийрза моттиг даькъала йойла)
                                          
Ва эздий къо́нах из Султан-Хьажа,
Из хьаваьнна моттиг лерхIаме я.
Цун даь-да́ Шейх-БатIал Сурхо тIара Хьажа
Меттара воккха овлияъ ва.

Къурайша доккхача тайпана ба уж,
Дикача ХIа́шима цIенах баьннаб.
Тахан укх дунен тIа сийдолаш ба уж,
ЙоагIа моттиг хьалаьца, уж дIаэйттаб.

Даьх-наьнах къаьста́ча бога ца хьожаш,
Из теркал ца деш, Султан Iийнавац.                                  
Таронна ийша миска ца хьоасташ
Цхьа ди сайренга цо дихьаьдац.
                                             
Унхочунга хьажа ваха́ча сага́
Да́ла боккха маьл яьзбу, йоах.
Лазаро лаьца моллагIа нийсвелча,
Дилла маьл баьхаб Хьажочо цох.

Султа́наца лерхIам берригача наьха,
Дувцалга йоацаш, геттара ба.
Иштта на́хаца лерхIам а болаш,
Укх дунен тIа тарлуш из ваьха ва.

Хиннав из дунен тIа накъавоалаш эшача,
Мехка юкъарле хоза лораеш,
Адамашта юкъе цатоам нийсбелча,
Вахе, къахьийге, из дIабоаккхаш.

Из юкъеваха́ цхьаккха маслахьат
Хьа ца хулаш диса́ ма да́ц.
Цо́ хье́хам бича, эгIазлон баь шод
Хьа ца боасташ цаI Iийнава́ц.

Да́ла енна ха йисте́ а яьнна,
Ший Даьла кхеле из дIавийрза́в.
Из вовзаш хиннача дерригача халкъа́
Цу дешах боккха бо́хам баьннаб.

Дуккхача мехкашкара цун доккхача таьзете
ЛерхIаме хьаьший дукха ихаб.
Шоай дегаш делхаш, болаш гIайгIане,
Цунах кодам бе уж тIаихаб.

(Дала иман, сабар лулда вайна!)
А. Матиев




 

СУРХО ТIАРА ХЬАЖА

       
Б1аь ткъаь виъ эзар Пайхамар Да́ла
Вайтав дунен чу, Ший дин кхайкадеш,
Иштта овлия́аш бахкийтаб Да́ла,
Уж хиннаб лаьрхх1а из дин сомадоахаш. 

Вай Элчал (с.а.с.) т1ехьа хиннаб има́маш,
Из Даьла дин цар ч1оаг1а техкад,
Шоашта мел хезар, цхьаккха ца дуташ,
Элчан хьадисаш дукха гулдаьд.

Царех хьалха хиннар – Або Хьанийфа,
Шоллаг1а – Ма́лик, Анаса во1,
Т1аккха – Ахьмад ибн Хьамбала,
Виълаг1а – Ша́пи1и, Идриса во1.

Овлияаш а 1илман дай хиннаб,
Низ болча Да́ла Шийна гаргаэ́за́, 
Пайхамарий тешаме ва́расаш хиннаб,
Дин ч1оаг1деш дунен чу дукха къахьийга.

Сийдолча Даькъастен чу бахкийтаб Да́ла
Дина бокъо кхайкаеш овлияаш,
Уж хиннаб геттара гаргабаха Далла,
Шоай кхетам, хьаькъал лакха долаш.

Илисхан-Юртара Шейх Кунта-Хьажа, 
Овтарера 1овда, Сурхо т1ара Хьажа,
Галнера Даьда, иштта кхыбараш
Даькъастен чу хиннаб тоба дайташ.
                                 
«Далла гаргабахарашта хург ма бац кхерам,
Г1айг1ане хургбац уж Къематдийнахьа,
Им диллараш ба уж – Даьлах кхийрараш», -
Йоах Сийдолча Да́ла Ший Къуръана чухь.

Меттара овлияъ Сурхо т1ара Хьажа,
Лерх1аме Устаз, Шейх Бат1ал ва,
Да́ла лакха кхетам бенна хиннав из,
Дуккхачар дег т1ера къоабалваь ва.

Ворх1 шу даьлча на́на а кхелха,
Итт шу даьлча даьх а къаьста,
Висав из Бат1ал, г1ийла бо хинна,
Бакъда, хиннав из Даьлах  тийша.

Ший тайпан мел вар, кхоачара мел вар,
Мухажир хинна, Эстамала ваха́,
Тешаме оаг1ув Кунта-Хьажийца билла,
Даькъастен чу сацав из, Даьлах тийша́.

Бокъонна т1акхувш, харцонех удаш,
Сурхо т1арча Хьажас дукха го баьккхаб.
Даьла ц1ена лаьшца-валешца дагавувлаш,
Меттара ц1ена дин цо кхайкадаьд. 

Во́нех, харцонех тар ма лу лоралуш,
Тоъал за́ма Хьажас яьккхай.
Йоккхача Сурхо т1а юххера кхуврч белла,
Цигга дина бокъо цо кхайкаяьй.

Сийдола Къуръан, Пайхамара хьадисаш
Доацар цо нахага кхайкадаьдац,
Царца в1ашкадоаг1аш доаца цхьа дош,
Хьехам беш, Бат1е хьалъаьннадац.

Хиннад цо на́хага хьехар деш оалаш,
Лаьрхх1а уж хоза д1акхетабеш:
«Хила веза мехкаца да́им тарлуш,
Эшача во1-воша цунна д1алуш».

Ший хьаькъалах кхоачам хийттача сага́,
«Тиннав из, - аьннад Бат1ал-Хьажас. -
Даьла возлора, дезац вайна наьха доаца хьаькъал,
Мехкаца дагавоалаш саг ва́ха веза.

Къамаьл кхоачаделча, лоткъам беш воаллаш,
Хилалахь хьай хьаькъал тоаденналга ховш.
Цул т1ехьаг1а йистхиле, сатем боха ца беш,
Таккхалча ва́г1алахь, хоза ладувг1аш.

Дийнахьа сарралца нах ба́г1аш лувш-оалаш,
Сатийна ваьг1а, йист ца хулаш,
Чуводача сагах ва со ч1оаг1а хьагаш,
Цун сабар, хьаькъал лакха хеташ.

Хьайна хьадича новкъа хург мел дар
1а дита деза, на́ха́ ца деш,
Цатоам бой моллаг1чо, г1а́лат а ваьнна,
Хьо хила веза къинт1еравоалаш.

Нагахь мо мехка́ х1ама т1акхоаче,
Хила веза чехка оарцаг1воалаш;
Хьайгара г1о эше, са, дег1 ца кходеш,
Хьай белаж йоагг1ача д1аг1ортаеш.

Да́ла ма аьннадий сийдолча Къуръан чухь:
«Дикача х1амангахьа оаш г1о делаш,
1аьсача, во́ча, ийрчача х1аманна
Новкъостал ц1аккха оаш ма делаш».

Ший хьадисагахьа Элчано а аьннад:
«Кулгаца юхатохалахь ваьннар харцахьа.
Из иштта соцаве хьай низ ца кхоаче,
Меттаца хьехар дий, из соцавелахь.

Нагахьа цу шиннех хьай г1улакх ца хуле,
1а елахь инкарло цунца дагахьа,
Из эггара ийшаг1а дола Иман да хьона,
Цу кхаьннех ца1 ца деш хьо ма 1елахь».

Эзделца мел дар вайна гарга нийсса да,
Воашца эздел долаш вай дунен чу даьхкад,
Элчано аьннад: «Хоза г1улакх ах дин да»,
Из Элчан хьадис вай къоабалдаьд.  

Саг хила веза эхь, эздел долаш,
Из оамал – адамий т1ехдола куц.
К1аьда, 1имерза халкъанца хилалаш,
На́хаца тар ца луш хила йиш яц.
 
Г1улакх-йоракх, камаьрша хила ве́за,
Г1улакхаца веце, сагадар дош дац», -
На́ха́ хьалхадаьхад Сурхо т1арча Хьажас,
Из шеддола г1улакх ше а лорадаьд.

Хиннав Хьажа даим маслахьат лоаттош,
Барт-цхьоаг1о наха юкъе леладеш,
Кхаь ден, кхаь бус ийг1а ца баг1ийташ,
Хийрабаьннараш хьехарца в1ашкабугаш.  

Бат1ал-Хьажа хиннав ийшачарга хьожаш,
Г1ийла бой, мискаш цо теркалбаьб.
Да́ т1авоацаш, цхьаь биса дезалаш,
Г1улакх деш, хоза дукха хьаьстаб.

Хиннад цо дерригача халкъанга кхайкадеш:
«Шоашта юкъера ийшачунга шо хьажалаш,
Миска бой къаьстта оаш теркалделаш,
Вай Элча бо́ хилар бахьан долаш». 

Юрта саг пхьераза вий хьежа ма́ра,
Бат1ал-Хьажа сала1а га́рахьваьннавац.
Сагото кхаьчараш нагахьа мо бале,
Царца дакъа ца лоацаш, 1овижавац.   
                                 
Маьждигаш деча новкъостал дукха даьд,
Хьужаренаш еча а цун б1арг кхаьчаб,
Сурхо т1арча къаьнача маьждига мимар
Бат1ал-Хьажас шийгара хьалдоттийтад.
                                 
Теркалбеш хиннаб цо мута1аламаш,
Цар кхоачамбоацар цо хьалдизад.
Дийшача нахаца хиннав лерх1ам беш,
Царца хоза г1улакх цо лоаттадаьд.

Дерригача халкъанца леладеча г1улакха
К1аьда, 1имерза Бат1и хиннав.
Камоаршал, денал хиннад Хьажийца,
К1алйисача метте на́къаваьннав.

Сигалара, лаьттара мотт ца хов хьайбаш –
Шеддола халкъ цун бо́ча хиннад,
Эшача метте хиннав б1арг кхоачаш,
Деррига 1а́лам цо теркалдаьд.

Оалхазарашта хьогама́ ялат тувсийтад,
Хьунаг1арча хьайбашта тух увттадайтад,
Цамогаш хинначоа дарба деш хиннад,
Чов хиннар хьоасташ дукха дерзадаьд.

1а ч1оаг1а, бирса де́нача шера
Лаьрхх1а оакхарошта цо г1улакх даьд.
Доакъар, ялат  хьал а кхухьийташ,
Моцала к1алдисар хоза дузадаьд.

Хиннад т1аьш техкийташ, наькъаш тоадайташ,
Хьасташ доахийташ, бехар тоабеш.
Хи хьарсам дехача метта оттадайташ,
Хила дезача апарах из д1анийсдеш.

Юрта Сурхо т1а хьалчуэттача,
Кен яхача г1алг1ай къаьгача хи чу
Бат1е баккхийта дарбан хьаст ба,
Г1алг1ай къаманна из боча ба.

Укх дунен т1а мел долча т1ехдолча хишца
Дарбане лоарх1аш цу чура хий да.
Мел дукха маларах хилац из новкъа,
Мел к1езига маларах хьогал южаю.

Бат1е кхайкадер дегаца къоабалдеш,
Дукха нах, то́ба деш, Далла т1абийрзаб;
Т1ехь-т1ехьа хьабебаш, дикка совбулаш,
Цо кхайкабаьча наькъа т1а адам эттад.

Харцлувчар ца вуташ, Сибарег1а ухийташ,
Дукха сагото, ба́ла Хьажас лайнаб.
Ше кхеллача Даьлаца парг1ата волаш,
Кхаьчача халонна цо садийттад.

Бехк-гунахь доацаш мехках а ваьккха,
Дуккхаза Сибарег1а Бат1и хиннав.
Юххера Даьла кхеле д1авийрза,
Козельскера, кхелха, из ц1авенав.

Берригача мехко ч1оаг1а 1аьрж деллад,
Цатоам ца хулаш саг висавац.
Хаз-хезар воаг1аш, адам гулденнад,
Вай мехка цул доккхаг1а таьзет хиннадац.

Таьзете гулденнача дерригача халкъо,
Дика къонах вар, яхаш, т1ехьа тешал деш,
Даьлагара вехаш, къахетам бувцаш,
Хьажийцара къаьстаб нах, г1айг1а йолаш.

Бусалба дина бокъонах йизза кхоачо яь,
Халкъо Бат1ал-Хьажа на́къаваьккхав,
Сурхо т1арча кашамашка, даькъала лахьтий чу,
Хоза кулг теха, из цар д1анийсваьв.

Из хьулваьча гонахьа геттара хоза
Зерат де аха моттиг кийчъяьй.
Даьлага кхайкаш, валар дагаухаш,
Тахан нийслу цига дукха Даьла лай. 

Бат1ал-Хьажа хьулаваьчара дукха гаьна доацаш,
Цун ц1ерах рузбан маьждиг хьалдаьд.
Хаьда ха йоацаш, Далла г1улакх деш,
Из маьждиг хьалдиза цу чу адам латт.

Махьшаре къахетам Да́ла вайх болба,
Бат1ал-Хьажа, хьа къайле Да́ла ц1енйойла.
Алла́х1а, Со раьза ва шоана, аьнна,
Фирдовсал-Джаннати вайна даькъала йойла!   
                              Амин!

      Республика Ингушетия, с. Сурхахи
  22/07/2016
Абас Матиев, член Союза Писателей РИ

Дала гешт долда цунна!

Укх к1ира дахача шинарча дийнахьа инсульт яха лазар а хинна дарбанче 1очувига реанимаце вар г1алг1ай мехка йоазонхой юкъарлон тхьамада Хамхой Ваха.
Селхан а тахан а цига вар со цун хьалага хьажа ваха, лораш ч1оаг1а хала ва йоахар из. Бакъда тахан делкъал т1ехьаг1а из сецав аьнна чам боацаш, дега хала хоам а хиннаб сога.
Дала гешт долда цунна, Дала къахетам болба цох!
Дега вол йоацаш дика саг вар из. Яхь йолаш саг вар!
Дукха из волча иха ва со, воккха саг веча санна араваргвар из а цун ц1еннана Iайшет а. Дукха х1ама дар цун керта чу. Мичча хана со вахарах даггара яздеш е дешаш хулар. Массаза а юхь елаенна вар из. Дала къемата дийнахьа а юхь елайойла цунна!
IMG_5561
IMG_5747
IMG_5553

ХIанз-м тоаргда! Совца вай?

Назранерча Гимназия дешарлен кулгалхо Галайнаькъан Юсупа Марем балхар дIаяьккха новкъа долаш ба дукха нах. Цкъар сона сайна а хийттадар из чIоагIа хала, цига балхах кхеташ воаца саг тIа а вена, Марема мел даьр цо доадар кхераш вар со. Дика саг, дика кулгалхо, дика говзанч я Марем, бакъда из. ХIаьта из цига яцар аьнна школа чу гIоргйолаш санна кхест цаIаш, вожаш корзагIбайна хьувз. Из яцар аьнна гIоргъяц школа чу, вешта кхы а дикагIа толамаш доахаш айлуш урагIа яха мегаций из? ГIорг а я Дала аьннадале. Из да вай кхетаде доагIаш.
Дика болх Баьб Марема цу Гимназе, ше дунен тIа яьккхача ханах кхоалагIа дакъа ха цу школа дIаенний цо. Дала маьрша лелайойла из. Дала маьл лулба цунна ше халкъа деннача хьаькъалах. Цхьачар, чIоагIа бехктокхаме яр из, тIахьожам дика бора, хьехархошца гIожа яр из оал цох, вокхар чIоагIа кIаьда, сабаре саг яр из оал. Ишта ца хилча цун болх дIа а гIоргбац. ГIожа хила везаш а, кIаьда хила везаш а моттигаш нийслу вахача. Сона сайна сол дика ца йовзе а йовз из Марем, чIоагIа нахаца хьаийна безаме саг хет сонна цох. Дала ший дикашкахьа совйоаккхийла из. Бакъда, аз юха а ях,Collapse )

Г1алг1ай мехка Даьре никъ!

Х1етарча хана дерригача дунен т1арча наха ч1оаг1а къахьегаш хиннад ба́ха г1ерташ. Ма1а нах лаьтташ д1адувш, жа, доахан, говраш леладеш, базара ухаш хиннаб. Кхалнаха ц1аг1а эшар-дезар а деш, мукъача хана ма́ха боаккхаш а хиннаб.
Базара лелачар Кита мехкара башха-башха к1адаш: зип, даьрий, кхыдараш - кхухьаш хиннад. Мисара мехкара дошо, дото хознеш, къаьстта ший тайпарча Шамерча болатах (дамасская сталь) даь т1ехкараш. Уж т1ехкараш хиннад юкъах доахкача хана т1ехкар а хьадаьккхача шалта а хулаш, дукха мах болаш, ч1оаг1а лоарх1аш. Х1амаш тега хьалдоаха маьхий а кхухьаш хиннад Царех Мисара маьхий оалар, уж а хиннад дукха мах болаш, ч1оаг1а лоарх1аш. Кхыйола х1амаш а кхехьай д1а а хьа а. Лоацца аьлча, базар ч1оаг1а еш хиннай цу замалахь дерригача дунен т1арча наха. Уж т1ехкараши маьхии моллаг1болча нахага хулаш а хиннадац, эца низткъала доландаь. Цхьа эздий, лоарх1аме кагийнах хьоахабеш хилча, оалаш хиннад з1амигача сагах: «Шаьмера т1ехкар хьерчаш вар из юкъах, - йо1ах - Мисара маха боахаш я из».
Цу мел долча х1аманна дакъа лоацаш хиннад Г1алг1ай мехко а. Цу замалахь нах базара ухаш т1ехбола Даьре никъ хиннаб, вай мехка г1олла чакхбоалаш. Еча базара а кхыдолча пайдашта а г1алг1ай къама йоккха совле хиннай из никъ вай доазон т1а г1олла бодаш хиларах. Даьре никъ, къулбехьара Гуржий доазон т1ара Г1алг1ай мехка 1очу а баьле, Хамха юххе г1олла 1о а бай, Эса-ч1ожах 1обоаг1аш хиннаб. Г1алг1ай доазон т1а даьре наькъа т1а, моттигашка хьежжа, юкъ-юкъе лаьрхх1а оттадаь ха хиннад. Цу новкъа базара-кира, кхыдолча г1улакхашта болхаш-боаг1аш бола нах лорабеш, маьрша чакхбоахаш хиннад из ха. Х1ара ха т1а к1аьдвенначоа сала1а а, мецвенначоа х1ама даа а моттиг хиннай, нагахьа к1аьдъеннаяле, хувца говраш а кхыйола мухь кхухьа х1амаш а. Долчча тайпара аьлча, цу морча б1аьхача новкъа лелача наха эша кхоачам хиннаб цу моттигашка лоадам боацача маьхах. Шоаш а ухаш хиннаб г1алг1ай Мисара а, Кита а, Х1инде а, кхыча а мехкашка базара.
Collapse )

КIужбагIа хи!

Б1аь шу совг1а хьалха вай мехка яг1аш хиннай К1ужбаг1а хи яхаш йоккха цхьа га. Хьалла бухье к1уж мара кхы цхьаккха тайпара ткъов хиннаяц цох йоаллаш, цудухьа оалаш хиннад цу гаьнах К1ужбаг1а хи. Иштта Совъаг1е а Сов а оалаш хиннад цох. Мут ц1е хиннай цун. Из – ц1е дахча хилара белгало я. Б1аь метр совг1а лакха а лохера ворх1 метр совг1а сома а хиннаб К1ужбаг1а хи. Из б1аргагуш хиннаб вай мехка дукхаг1а мел йолча моттигашкара. Ц1ава ца ховш, наькъа тувлавеннача сага дикка йоккха белгало хиннай из, цунца нийсвале, ц1енах кхеташ а хиннав.
Тахан ачалкхенаш яда моттиг а шин арг1аюкъ а, акха ядаш, пана хиннай цу хана. Моллаг1ча цхьан х1аман г1алат баьнна нах бехк а бий, г1ода цига д1аухийташ хиннаб. Царех цхьабараш, шоашта теха ха яллалца, цига 1еш а, цхьа аьрдаг1о бараш байде ц1абоаг1аш а нийслуш хиннад. Хийла наькъа тувлалуш хиннаб уж, т1аккха К1ужбаг1ача хенага а хьожаш ц1аихаб. Иштта кхычахьара а, цхьацца г1улакха баха нах, ц1абахка ца ховш бисача, цу хенаца нийслуш ц1аихаб.
Тахан бац К1ужбаг1а хи, из бежаб ткъоалаг1ча б1аьшера барх1лаг1ча-иттлаг1ча шерашка. Дукха къахьийгад цу хана вай мехкарча наха, къаьстта Сурхот1арчара, из га юхаметтаоттае г1ерташ, цу хена овла т1ара е гинах галг т1аялар догдоахаш, цу меттига бежан а х1ама а т1аг1оргдоацаш, гонахьа сангар а яьккха, цунна чухьнахьа саьргех лакха карт а яь. Наха фуннаг1а дирах, цунах цхьаккха х1ама т1аяьннаяц, из га юхаметта а оттаеннаяц, малаг1а дахча я ца ховш, къайла а йисай из. Тахан вайна т1а да из га малаг1а-фу дахча хиннай ха а, лаха а, тахка а. Цу К1ужбаг1ача хена дух тахка, из га малаг1а я хайна, цох дола бакъдар лахача сага хийцца дунен т1ара т1ех дола совг1ат доаг1а.
Боккъала хоза тоаяьй К1ужбаг1а хи баьг1а моттиг: ламаз де а, к1аьдвенначоа сала1а а, ваг1а а моттиг я тахан цига.
Божалехь хьалха К1ужбаг1ача хена гома боарам шиаш урхаши ши пхьаг1ати хиннаб, хена лохера тувр ворх1 метр совг1а хиннай. Цу ханарча юкъерча урхай д1оахал хиннад кхойт эрш. Хоза а хеташ, цу хена сомал дусташ хиннад наха.
Урхий гоаламаш хьа а лаьце, хена дехьеи-сехьеи г1олла в1аши духьалвоаг1аш хиннав ши саг, в1ашка ма кхаьччанге, цхьан оаг1орахьара шинна урхий гоаламаш цхьанне д1алоацаш хиннай, шоллаг1чо, юха а вахе, вокха оаг1орахьара гоаламаш хьалоацаш хиннай, цигга сага белажа лаккхала уж хьала а айяй, урхаш бейоахка кулгашца из хи хьамарх1а а белле, бусташ хиннаб цу хена гом. Эршах кховзткъе цхьайт сантиметр хул, т1аккха шин урхех барайтта метри шовзткъе ялх сантиметри хул, пхьаг1атах цхьа метри езткъа сантиметри хул, уж шеярг в1ашаг1техача ткъаь шиъ метри ялх сантиметри хул К1ужбаг1ача хена гом, х1аьта тувр ворх1 метри шиъ сантиметри хул.
Collapse )
К1уж баг1а хи!

Даьла Элчах (с.а.с.) яздаь муг1араш.

Мухьаммад пайхамар (с.а.с.)

Даьла Элчан сил бочаг1а,
Дала цхьа са кхелладац.
Кхы цхьаькха саг цул дикаг1а
Лаьттан букъ т1а венавац.

Цун да хиннав 1абдуллах1и,
Х1ашима лерх1амерча ц1ен.
Нана хиннай цун Амина,
1абду-Манафа сийдолча ц1ен.

1абдуллах1и къонгашта юкъера
Хиннав ший даь хьамсараг1а.
Амина а тайпан юкъера
Хиннай лоарх1аш, сийдолашаг1а.

1абдуллах1и кира лийннав,
Напаг1 лохаш, базар еш.
Collapse )

Хьонка боаккха ха хьаэттай!

Хьамсара мехкахой, вежарий, йижарий! Хьаэттай ъьонка боаккх ха.
Вай ворхх1е даь хана денз хьадоаг1аш да вай, хьунаг1а Дала хьат1а яьлтача х1амах воашта цхьацца эшаш йола х1ама даара 1алаш еш. Х1аьта къаьстта Нажгамхьов бутт хьалилча хой нийсса кховзткъеи шийтта дийнахьа баа хьонк хул. Цу хьонках ийс дарба доал оал вай боккхийча наха. Къастта из хьонка ч1оаг1а буаш къам да вай дар.
Т1ехьарча хана хьунаг1а хьонк баккха ваха саг дагдоаццаш лозавеш а нийслу, цхьантайпара хьунаг1а нийсъенна минаш лелхарца е аькха т1акхачарца. Аькхан к1алхарвала-м селла хала а дацар, бакъада минах лоравала да хала, иичахьа йоалла хац вайна из да ма хьакхарг. Цудухь вай лорадала деза.
Ишшта цу г1улакхаца дувзаденна дехар ду вайга Г1алг1ай мехка г1ола йолча Росси МЧС болхлоша лорале аьнна. Из хоам вайга бирах царна Даьла раьза хилва.
Collapse )

Дала къоабал долда хьажол!

Тахан 1уйранна пхи сахьат итт минот яьлxа кхаьчар, вай мехкара Маккеи, Мадинатеи хьажол де баха хинна нах а боалабеш кхоалаг1а ц1аденадена фекема.
Кема т1а воккхаг1ал деш хиннача Дудургнаькъан Мувсас яхачох, бахара бахкара цхьаккха хьовзам а боацаш хилар Даьла ц1енна го баккха, Даьла параз д1адала бахарий никъ.
Хьажц1а бахача наха юкъе хьалхара баха а, шозлаг1а баха а, е кхы дукхаг1а иха а нах бар. Цигга ц1абоаг1ача наха духьал ваха а цар д1а-хьа бихьа никъ даькъал бувца а вахача, укх шера хьалхара хьажол де яхача Пхьилекъонгий юртарча Фирдовса хилар са къамаьл:
-Фирдовс, мишта хилар шун никъ, массайола а хьажола маьженаш хьалйиза аьттув баьларий шунна?
- Хьалхара йодаш хиларах, ч1оаг1а дагадоаллар сона, мишта хургба хьог1 са никъ яхаш, бакъда хьалхабаьннача тха кулгалхоша доал дарах Даьла къахетамца, дика чакх баьлар тха никъ.
- Цхьаккха а 1а доаккхал деш х1ама дарий 1айха бихьача наькъа хьале?
Collapse )IMG_4030
IMG_4034
IMG_4042

(no subject)

Са хьамсара г1алг1ай йижари, укх йи1ий суртага хьежача гу вайна мел ц1енхашта лелабаьб вай къамах болча кхалнаха шоай дег1ат1ара г1ирс. Боккхийча исташа а мехкараша хоза хеташ шоай дег1а эздел д1а а хьокхаш леладаьд из барзкъа. Х1анз наггахьа кхалсаг мара гац вайна цу г1ирсаца. Хоза таций цу йи1ийга из дувхар?
Йи1иг кхойтта шерал т1ехьялча наха юкъе д1а-хьа мел йодача хана из барзкъа т1адувхийташ хиннад, вай ноаноша цун дег1а доалаш латта онк хьулдара а из кхувш йоаг1илга д1ахайтара а духьа.
Дизза ший дег1 къайла цадаьккхача кхалсаг маьре д1аюгаш а хиннаяц хьалхарча хана. Сона хац тахан вайна фу даьд. Д1ааравала хьона моге, шортта лелаш ба вай дар 1о а даьккха, хьалха вай къамо къоабалдеш ца хинна барзкъа т1адийха лела кхалнах.
Шоай мехках а, къамах а, дуненах а беха лелача цигаьнаш тахан а хийцадац шоай барзкъа. Дукха тайпарча къамех болча 1арбаш а леладу шоай къаман барзкъа, Инде г1олла вай гобаьккхача а шоай барзкъа да цар дувхадер а. Х1аьта вай, кхычахьар т1адена 1овраташ гучахьа хулийташ бола г1ирс бийха лел. Ма ч1оаг1а чам ба-кх вайна наьха х1ама айде, вайчун сий доаде!
Вай къаман г1ирс т1а а бийха х1анз укх сурта т1а яг1ар морг йо1 б1аргаяйча цец амаг1а баьле, хьежаш, из хоза хеташ хул кхича къамах бола нах. Х1аьта вай из цхьаккхача а маьхе ларх1ац. Хьо ваха, лоарх1аре х1аране т1а-м дувхадергдар шоай къаман дар. Ларх1ац вай из!
Са хьамсара дукхадеза йижарий, аз дехар ду шуга ма кхоссалаш шоай ноаноша лелабаь из хоза г1ирс 1о. Ма даоделаш цунна сий. Кхы мел дар д1адаьлоча а вай къаман кхалнаьха барзкъа ма дий из.
Дала дукха доахадолда шо!1