Category: кино

Category was added automatically. Read all entries about "кино".

"Нана-лаьтта" яхача фильмах дола дош.

Метта г1онча!

Дукхача наьха хаттараш хул, наха мотт дикаг1а 1омабергболаш фу де йиш яр хьог1 яхаш. Нах в1ашаг1кхийттача метте наггахьа мара дисац вай Г1алг1ай метта хьал ца хьоадеш. Дуккха хоз, «Вададай, мотт д1абоалаш латт, шеввар оарцаг1вала веза, иштта даьг1а даргдац вай», яхаш, наха кхайкарал деш. В1алла цу меттаца ший бала боацар а хул из дувцаш. Новкъадар фуд, из яхачар а, вай мотт тохкачар а бувцар эрсий мотт – хилар.
Метта юкъе дукха тайп-тайпара хувцамаш хиннад т1ехьарча хана, хувцаденнад наьха вахара хьал а, цунга хьежжа мотт чоалхане бийрзаб. Боккхийча наха, хьехархоша, йоазонхоша, 1илманхоша, халкъо х1аране ше ший тайпара бувц мотт, из ца эшаш лета г1улакх да вай къамах. Из бахьан долаш башха боалаш латта мотт. Вай хет хетача тйпар из бувцаш хилча Гуйран моажа а дийрза гаьна т1ара 1олегача г1аьний хьисапе метта юкъера дешаш 1олег. Юххера а, уж г1аьнаш дерригаш 1олегар кхерам ба цу гаьн т1ара нагахьа санна мотт вай нийса ца бой. Ч1оаг1а дега 1адкъаш да мотт тишлуш, д1абоалаш латташ хилар. Х1аьта фу де деза вай из д1абаргбоацаш, малаг1а чоалх юкъе яккха еза, корчам мишта хила беза цу оаг1орахь? Уж хаттараш вай санна кхыча къамах болча наьха а хул шоай метта хьал дагадоаллаш.
Д1адахача 2013-ча шера аьхкий, «Youtube» сайта мазаоаг1онга г1олла (интернет) даьржад «Нана-лаьтта» аьнна ц1и а йолаш г1алг1ай меттала даьккха «Home» яха, 1илман оаг1ош теркалъеш дола фильм. Х1ара дош саббаре, ше фу дувц а ховш ц1ена д1аоал. Цудухь наха кхетаде, д1алаца аттаг1а да. Дукхача наха хьежа мах баьб цун, раьза бараш дукха ба. Бакъда цунга ца хьожаш бисараш а ба тоъала. Хьажачоа хьаэца х1ама шортта да мотт ц1енабаргахьа х1аьта а.
Из фильм доаккхаше а эггара хьалха франции, англии меттала даьккхад. Из даьккхар ва франце къамах вола Жан Арту-Бертран, яха 1илманхо. Цул т1ехьаг1а дукхача меттала таржам даьд цунна, эрсий меттала «Дом» яхаш я цун ц1и, х1анз т1еххьара вай г1алг1ай меттала а даьккхад из «Нана-лаьтта» аьнна ц1и а тилла.
Фильман г1алг1ай меттала таржам а даь, оаз д1аяьзъяр ва МГУ балха волаш, англи метта хьехархо вола Пхьарг1илгнаькъан Мухьаммад. Университете шийна хьаденнача ц1алга чу (общаге), ший боацача кхоачамца доккха х1ама да цу сага даьр, боаккха толам баьккхаб цо из фильм вай меттала даккхарца. Дукха вай метта терминаш юкъе кхийлай, хьагуча баьккхаб ц1ена г1алг1ай мотт, хьахьекхад цун б1аьхий хилар, йовзийтай метта к1оаргал.
Сона ч1оаг1а боккха кхаъ хиннаб цох, цкъа дале, вай мотт дег1абоалабара боккха мул ба из, шозлаг1а, г1алг1ай меттаца къахьегача наха ч1оаг1а накъа яргъя цу т1ара дукха терминаш, хьехархой аьттув хургба шоай метта говзал лакхъе. В1алла в1ашт1ехьа хилча г1алг1ай меттаца къахьегаш болча 1илманхоша барт а баь тахка, яшха езар цу фильма метта оаг1ош. Тахка бахьанаш цун дукха а да.
Т1ехьарча хана в1ашаг1а а кхийтте, дукха метта хьал дувцаш оамал я вай, къаьстта 1илманхойи, г1алг1ай мотт тохкачари, х1аьта чаккхе мишта хул вайна ховш да. Г1алг1аша оалаш да: «Г1улакх хьалха къамаьл т1ехьа». Цу кица т1атайжа баьб Мухьаммада ше укх хьакъе баь болх. Къамаьл дита а дита ший болча кхоачамца къахьийгад цо. Дала ший г1улакхашкахьа соввоаккхалва из. Иштта г1улакх хьалха долаш хила веза х1ара вар, т1аккха мара из г1алат юстарадоаккхалургдац вайна.
Дукха кагий нах ба вай метта хьал дагдоаллаш, амма цу хьаькъе къа мишта хьегаргда ца ховш, нийссаг1йола оаг1о кора ца еш, корчам дикаг1а малаг1а ба ца ховш ба дукхаг1бараш. Мухьаммада цу наха никъ хьабийлаб, шин сахьата долча фильманна г1алг1ай метала таржам а даь, вай дунен хьал довза, ха аьттув беннаб цо вайна тахан.
Т1ехьарча хана "Галг1ай урокаш" яха дарс доладаьд кагийча наха мазаоаг1онга г1олла, т1аккха а х1ама хулаш дац. Деша мекъ беннаб нах, дукхаг1а суртанца белгалдоалача х1аманга хьож нах. Вай кхувш боаг1арашта ч1оаг1а дика ганз я из фильм. Моллаг1а волча сага ший меттала дола х1ама дикаг1а т1аэц, х1ана аьлча цунна гаргаг1а ба ший мотт, уйла а ший меттала ю сага, х1аьта вайна гаргаг1а г1алг1ай мотт ба.
Нагахьа санна мотт дег1абар воашта дезе, цу тайпара балхаш де деза вай, из в1ашт1ехьа даргдолга вайна хьа а хайтад цу фильма таржамхочо. К1еззига хинна а, ший х1аманна саг шек хилча, г1улакх ма хетта д1адодац. Тешаш хила деза вай, шеко йоацаш вай из в1ашт1ехьадарг хиларах. Т1аккха ши-ше хулаш мо хьахургда х1ама, мот а тоалургба, цу оаг1орахьара корчам вай нийсбой.
Сона санна цох ч1оаг1а кхаъ хинна ба дукха нах, къаьстта кагирхой. Мотт ховш воацача сага ше 1одешачул дикаг1а кхетаду цхьанне хьадувцаш долча дешай ма1ан, хьагуш хилча дицлургдоацаш керта чу 1очудул цо из. Х1аьта 1илман оаг1о теркал еш долча цу фильман даьча таржамо аьттув беннаб вай мехкал арахь бахача г1алг1ашта г1алг1ай меттаца 1илман оаг1о йовзийтеи, шоай къаман мотт шаьрбеи.
Интернете г1олла цу фильмага хьежар наггахьа мара висац цох дош ца оалаш, дола дешаш а язду дегаг1озленца. Цох хов вайна, гучадоал наьха дегаша фильм дезаш т1аийцалга, наха цох пайда баьнналга.
Укх тайпара х1амаш метта хьакъе вай хьадой, мотт к1албусаргбац. Дуккха метта пайда бахьаргболаш, вай дицдаь дешаш да фильма юкъе, цул совг1а йоазонца белгалдаьхад наха цадовза тарлу дешаш, из геттара лоарх1аме да.
Бакъда, цу т1а ца а дуташ, къаьстта «Дошлорг» оттаде деза уж дешаш белгалдеш, хьакъоастадаьчул т1ехьаг1а цар ма1ан а доаккхаш. Х1ана аьлча массане а кхетадиц цу дешай ма1ан.
Иштта, наха чам а болаш, наьха дегашка сердал а юташ, б1аьж шераш кхы даьлча ваха висачоа накъа а даргдолаш фильм да из.
Дала низ лолба вайна мичча тайпара боалабой а вай мотт дег1абоалабе.
Из 1илман кад вайга кхачийтача Пхьарг1алгнаькъан Муххьамада Даьла раьза хилва!
Фильмага хьажа аьттув ба укх наькъа вахача. http://www.youtube.com/results?search_query=%D0%B2%D1%81%D0%B5%20%D1%87%D0%B0%D1%81%D1%82%D0%B8%20%D1%84%D0%B8%D0%BB%D1%8C%D0%BC%D0%B0%20%D0%BD%D0%B0%D0%BD%D0%B0-%D0%BB%D0%B0%D1%8C%D1%82%D1%82%D0%B0&sm=3

Фильма г1алг1ай метта редактор Матенаькъан Илез!
15. 01. 2014 шу.

Iилман кад!

Нах в1ашаг1кхийттача метте наггахьа мара дисац вай Г1алг1ай метта хьал ца хьоадеш. Дукха хоза «Вададай, мотт д1абоалаш латт, шеввар оарцаг1валавеза, иштта даьг1а даргдац вай», яхаш, наха кхайкаралаш деш. В1алла цу меттаца ший бала боацар а хул из дувцаш. Амма бувцар эрсий мотт ба, из тохкаш болчар а т1ехьа. Метта юкъе дукха тайпара хувцамаш хиннад т1ехьарча хана, хувцаденнад наьха вахара хьал а, мотт чоалхане бийрзаб. Гуйран моажа а дийрза гаьна т1ара 1олегача г1аьний хьисапе метта юкъера дешаш 1олегаш латт. Ч1оаг1а дега 1адкъаш да мотт тишлуш, д1абоалаш латташ хилар. Х1аьта фу де деза вай из д1абаргбоацаш, малаг1а чоалх юкъе яккха еза? Из х1анз укх лохе хьоахадергда вай.
Сентябрь бетта вурийттлаг1ча дийнахьа Магасерча «Г1алг1айче» яхача, вай Паччахьалкхен халкъа телевидене «Нана-лаьтта» аьнна, г1алг1ай меттала даьккхача «Home» яхача, 1илман оаг1онаш теркалъеш долча фильман махбеш в1ашаг1кхетар хилар. В1ашаг1кхетар д1адихьараш бар Арахьарча Бувзамии, къаман политикани, зарбани, хоами, министерствои, «Эздел» яха къаман г1улакх-оамал дег1адоаладара юкъарлои. Цига бийхабар вай мехкара дукхаг1ча даькъе г1алг1ай меттаца къахьегаш бола нах. Йоазонхой, д1ахо меттаца бала бола 1аьдала викалаш а. Ала деза цига в1ашаг1кхийттавар къовзткъа совг1а саг.
Фильм доаккхаше а эггара хьалха франции, англии меттала даьккхад. Из даьккхар ва франце къамах вола Жан Арту-Бертран. Цул т1ехьаг1а дукхача меттала таржам даьд цунна, эрсий меттала «Дом» яхаш я цун ц1и, х1анз т1еххьара вай г1алг1ай меттала а даьккхад из «Нана-лаьтта» аьнна ц1и а йолаш.
Фильман г1алг1ай меттала таржам а даь, оаз д1аяьзъяр ва МГУ балха волаш, англи метта хьехархо вола Пхьарг1илгнаькъан Мухьаммад. Университете шийна хьаденнача ц1алга чу (общаге), ший боацача кхоачамца доккха х1ама да цо даьр, боаккха толам баьккхаб цо из фильм вай меттала даккхарца.
Сона ч1оаг1а боккха кхаъ хиннаб цох, цкъа дале, вай мотт дег1абоалабара боккха мул ба из, шозлаг1а, г1алг1ай меттаца къахьегача наха ч1оаг1а накъа яргъя цу т1ара дукха терминаш. 12345
Collapse )