Къаман воI. (matiev) wrote,
Къаман воI.
matiev

Category:

Кхувш боаг1арашта хьехаман. (Дувцараш)

Ассаламу 1алайкум, хьамсара вежарий йижарий!
Г1алг1ай къам, к1оарга овла болаш, гаьннара хьадоаг1аш да. Из хьахьокха вай мотт къаьна, б1аьхий хиларо. Техника оалаш дола х1ама д1адаьлча, хьадоаладе доацаш дош дац г1алг1ай меттала. Амма, уж дешаш вай тахан диц деш латта. Х1аьта, дешаш д1адаларца мотт а д1абоал. Из мотт д1абаргбоацаш къахьега деза х1ара г1алг1ачо. Вай декхар да из. Х1ана? Вай къаман мотт из боландаь!
Мотт д1абоале вай къаман г1улакх а, эхь-эздел а, оамал а, 1адаташ а д1адаргда. Х1аьта т1еххьара къам ше а. Из дейна д1адаргдоацаш метта оттаде йиш я вайга. Мишта? Г1алг1ай меттала дешарца, дикача, ц1енача меттаца яздаь литература дешарца, х1аьта цу тайпара литература вайна ма харра вай метала к1езига да. Бера хана денз хьа дешийта деза из литература, х1ана аьлча, з1амига волаш ца 1омадаьр дусс. Цунна тоам беш да, «З1амига волаш 1омадаьр – кхерий т1а даь йоазув» яха вай дай кица а.
Г1алг1ай мотт къаьнаг1чарехи, б1аьхаг1чарехи ца1 ба аьнна хьоахабаь ба дунен 1илманхоша, амма, довш д1адоалаш латтача метташта юкъе бихьаб Юнеско вай къаман – г1алг1ай мотт. Къайле йоацаш ховш ма дий, г1алг1ай меттала берашта лаьрх1а яздаь литература вай къе долга. Дац из хьа а ийца 1одеша.
Г1алг1ай мотт нийса бувца ховргдолаш з1амига волча хана вола вала веза саг, х1аьта цу г1улакха лакхе вай ма аллара, берашта лаьрх1а къаман мотт, г1улакх, оамал, 1адаташ теркалдеш, уж доашхаш деша кинишкаш хила деза.
Вай мехка дукха ба, цу г1улакха говзал йола къона йоазонхой, яздаь дукха балхаш а долаш, вайга из хьакхачийта уйла а йолаш. Бакъда, цу г1улакха вай оарцаг1а ца довле шоашка торо яц цар из болх арабаккха, вайга хьакхачийта.
Х1аьта, ишттачарех дола цхьан къонача г1алг1ай йоазонхочо яздаь кинижка арадаккха ахчан новкъостал эша. Эрсий меттала аьлча, (Автор книги нуждается в спонсорстве ее реализации).
Из кинишк да, укх тайпара.
1. Из яздаьд Г1алг1ай меттала.
2. Из да кхувж боаг1арашта хьехаман.
3. Кинишка ши б1аьгаргга оаг1о йолаш да.
4. Йоазонхочун чам ба в1ашт1ехьа даларга хьежжа цхьа эзар, е ши эзар кинишка арадаккха, вай дешарлешка из д1акхачийта.
5. Нагахьа санна цу г1улакха дакъа лаца шоай безам а хинна, шоай аьттонга, торонга хьежжа оаш болх бича, вай берашта г1алг1ай мотт нийса 1омабергболаш 1одеша г1алг1ай меттала кинишк хургда.
Юха а керда доаккхаргда вай, из кинишк арадаккха ахчанца новкъостал эшаш ва йоазонхо, нагахьа санна новкъостал де безам болаш саг вале, шун аьтто ба цунца дагдовла укх телефона номерах: 8 928 747 14 17.
Из кинишк ара а даьнна вай бераш, дешаш б1аргагор дезача сага, йоазонхочун реквизиташ я ераш:
Номер лицевого счета Сбербанка: 40817810360350519533
QIWI Кошелек: 89287471417
Къаман мотт, г1улакх, оамал довр ца дезача сага новкъостал долда цу г1улакха!
Даьла духьа хилда вай!
Subscribe

  • СТИХОТВОРЕНИЕ

    КЪОНАХ Хетаю БатIал-Хьажий виIий-воIа Султан-Хьажийна (Дала къахетам болба цох, Дала гешт долда цунна, вийрза моттиг даькъала йойла) Ва…

  • ОЛИМПИЙСКИЙ ЧЕМПИОН

    Посвящается олимпийскому чемпиону по дзюдо XXXI Летних Олимпийских игр 2016 года в Рио-де-Жанейро Халмурзиеву Хасану Магомедовичу. Ткъаь…

  • Строки в которых живет правда

    Имя литератора Абаса Матиева хорошо известно читателям нашей республики. В 2015 году он порадовал нас своим новым произведением - романом…

  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 0 comments