Къаман воI. (matiev) wrote,
Къаман воI.
matiev

Category:

ОЛИМПИЙСКИЙ ЧЕМПИОН

Посвящается олимпийскому чемпиону по дзюдо XXXI Летних Олимпийских игр 2016 года в Рио-де-Жанейро Халмурзиеву Хасану Магомедовичу.

Ткъаь цхьайттлаг1ча Олимпиаде,
Къулбихьерча Америке,
Бразилия – боккхача мехка,
Рио яхача шахьаре́.

Ши б1аь совг1а мехкашкара
Спортсменаш дукха гулбелар,
Цхьайтт эзар совг1а волча сага,
Тарлой, хьалхале яккха лаьрх1ар.

Олимпиаде моттиг кхаьча,
Россера спортсменаш бахар,
Рио яхьашка д1а мел кхаьчар
Котало яккха кийчвенвар.

Г1алг1ай мехкара сийдола к1ант
Цу юкъе да́къа лоацаш вар.
Тарлой, да́ккха ший мехка сий
Са ца кходеш лаьрх1а вар.

Г1аьххьа айбаь корта болаш,
Тайжача, к1аьдача боларах,
К1увса т1а ваьлар Халмурзиев,
Шек воацаш духьал латачох.

Дег1-кеп, юхь-сибат а долаш,
Дехьар спортсмен хьат1аваьлар –
Америкера борец Стивенс
Котало яккха лаьрх1а вар.

Шоайла ба́шаш, эздел долаш,
Финале уж товсабелар,
Шоаех фу доал хьажа г1ерташ,
Д1а-хьа цар ч1оаг1а ка техар.

1отохаргах лата говзал
Хиннад вай къам караерзаяь.
Латаш, толамаш а доахаш,
Доккхача дунен т1а д1адейза́.


Э́сала вацар духьала латар,
Ц1ийдаь, доага аьшк мо вар.
Бакъда, вайвар – хьийна болат,
Даггара духьала латаш вар.

Тоссаялар уж ши буг1а,
Ди теха т1оа сагача мо,
Юххера штаташкара буг1а
К1алаяхийтар г1алг1айчо.

Ха йоа ца еш г1улакх доацаш,
Вай мехкахочо къахьийгар,
Шеко йоацаш толам баьккха,
Далла сужне из вахар.

Наьха дегашта сало1ам хилар,
Боарам боацаш г1адбахар.
Геттара ч1оаг1а товр а хинна,
Лоацабенна нах бисар.

Хиннача асарах хьакхийтта,
Халкъ трибуна т1а хьажар:
Пьедестала сийлен лаг1а т1а
Дошо диаьр Хьасан вар.

1а тхона даь товр долда хьона Да́ла!
Хьа къам хьона ловца боаккхаш да:
Иштта толамаш а доахаш,
Могаш, маьрша хьо вахалва!

                                                         
                                                                                              Писатель Абас Матиев
                                                                                                        11/08/2016
Subscribe

  • СТИХОТВОРЕНИЕ

    КЪОНАХ Хетаю БатIал-Хьажий виIий-воIа Султан-Хьажийна (Дала къахетам болба цох, Дала гешт долда цунна, вийрза моттиг даькъала йойла) Ва…

  • Строки в которых живет правда

    Имя литератора Абаса Матиева хорошо известно читателям нашей республики. В 2015 году он порадовал нас своим новым произведением - романом…

  • СУРХО ТIАРА ХЬАЖА

    Б1аь ткъаь виъ эзар Пайхамар Да́ла Вайтав дунен чу, Ший дин кхайкадеш, Иштта овлия́аш бахкийтаб Да́ла, Уж хиннаб лаьрхх1а из дин сомадоахаш.…

  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 2 comments