Къаман воI. (matiev) wrote,
Къаман воI.
matiev

Categories:

«ВАХА» ЯХАЧА ГАЗЕТАХ ЛАЬЦА.

Дахача к1ира, шоатденна, сентябрь бетта 20-ча дийнахьа, «Ваха» яхаш, ц1и а йолаш, газет арадаьннад. Из арадаьккхар ва Хамхой Джамалейл. Из хетадаьд г1алг1ай къонахчунна, визза къаман во1 хиннача Хамхой Вахийна. Кхы д1аходар ца дийцача а, айса вувца Ваха малув оаш кхетадаь хургда аьнна хетт сона. Геттара раьза волаш, г1адваха ва со из газет арадаьнна.
Аз вувца ца везаш, дукхачарна вовзар Ваха. Дика, эздий саг вар из. Газет долалуча цох лаьца яьзду газета редактора. Ший къамаьлагахь хьахьокх, мел лоарх1ам болаш дар шийна Ваха вовзаш хилар, из волча водаш-воаг1аш ше хилар. Дувца мел лоарх1ам болаш вар Ваха нахаца, мел эздий вар из ший г1улакхашкахьа. Редактора Вахах яьзъяь статья ешача хана хьагучадоал боккъонца цо ший дег1агахьа кхоабаш хинна г1улакхаш. Ваха бахьан долаш цхьадолча нийссача наькъашкахьа ше ваьнна хилар дувц редактора. Цох гу вайна, Ваха наха вовзаш-везаш саг хинна хилар.
Д1ахо Г1алг1ай мехка дас Евкурнаькъан Юнусбека Ваха веннача кодаме аьнна дешаш доаладаьд. К1оарга ма1ан долаш, ма дарра Вахийна доаг1аш дешаш да уж.
Лаьрхх1а цхьан б1оаг1илга т1а вай къаманна хетаяь Вахас язъяь байташ овттаяьй. Царех х1ара муг1 сага хьехам луш ба, къаьстта «Барт бе вай… Г1алг1ай», яхар.
Дукха тайпара яздаьд цох из вовзаш, везаш хиннача наха. Аз лакхе ма аллара, газета автора Хамхой Джамалейлас, Г1алг1ай йоазонхой союза тхьамада Дидигнаькъан Раисас, Кавказа йоазонхой клуба президент волча Балкхарой поэта Гуртуев Соалихьа, Меттай 1илман доктор йолча Хакуашева Мадинас, Нохчий мехка халкъа йоазонхочо Ахмадов Мувсас, г1алг1ай йоазонхочо Коазой 1ийсас.
Баркал оал аз, наха вицлургвоацаш Вахах лаьца х1амаш гулдеш къа а хьийга, ер газет арадаьккхача Хамхой Джамалейла. Г1оза вахар дуалда 1а, Джамалейл.
Х1аьта Вахах шийх ала безам бар са. Къамах дог лазаш, вай мехка хьал дагдоаллаш саг вар из. Цкъа 1ацар из нах в1ашаг1кхийттача наха тоам хургбола дош ца оалаш. Цунца 1а яьккха ха дикаца мара дага ухаргьйоацаш, иштта дика саг вар из. Дала къахетам болба цох, Дала гешт долда, вийрза моттиг Дала даькъала йойла.
Из газет дийшача, ца вовзачарна Ваха вовзаргва, цох лаьца дуккха керда х1ама ховргда, х1аьта вовзачарна дика а хоза а хетаргда.
IMG_8880
IMG_8881
IMG_8882
IMG_8883
Subscribe

  • СТИХОТВОРЕНИЕ

    КЪОНАХ Хетаю БатIал-Хьажий виIий-воIа Султан-Хьажийна (Дала къахетам болба цох, Дала гешт долда цунна, вийрза моттиг даькъала йойла) Ва…

  • ОЛИМПИЙСКИЙ ЧЕМПИОН

    Посвящается олимпийскому чемпиону по дзюдо XXXI Летних Олимпийских игр 2016 года в Рио-де-Жанейро Халмурзиеву Хасану Магомедовичу. Ткъаь…

  • Строки в которых живет правда

    Имя литератора Абаса Матиева хорошо известно читателям нашей республики. В 2015 году он порадовал нас своим новым произведением - романом…

  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 0 comments